Miramar Jauregian Machine Learning for Polymer Science ikastaroa egin zen ekainaren 8an eta 9an. Adimen artifizialaren, polimeroen zientziaren eta materialen ikerketaren arloetan erreferentzia diren ikertzaileak bildu ziren Donostian.
UPV/EHUren Udako Ikastaroen esparruan antolatu zen topaketa, eta bertan, ikaskuntza automatikoa material berrien garapenean izaten ari den inpaktua aztertu zen, oinarri teorikoak eta aplikazio praktikoak esparru akademikoan zein industrialean konbinatuz.
Unibertsitateetatik, ikerketa-zentroetatik eta nazioarteko enpresetatik etorritako espezialistek parte hartu zuten programan, eta ezagutzaren trukea eta ikertzaileen eta sektoreko profesionalen arteko konexio berriak sortzen lagundu zuten.
Horrelako ekimenekin, Miramar Jauregia nazioarteko kongresu, ikastaro eta topaketa zientifikoak egiteko erreferentziazko gune gisa sendotzen jarraitzen du.
